Jowai, Ïaïong 01
Ka shlem treikam u District Sports Officer (DSO), West Jaiñtia Hills ryngkat ka jingïatreilang bad ka West Jaiñtia District Sports Association (WJDSA), kan pynlong ïa ka District Level Inter School Athletic Meet 2025 ka ban sdang naduh 23 haduh 25 tarik mynta u bnai ha Kiang Nangbah Stadium kaba ha Ladthadlaboh, Dongmihsngi, Jowai.
Kumta ha kaba ïadei bad kane la kyrpad ïa ki nongpynïaid skul kiba ïashim bynta ban wan sha ka jingïalang ka ban long ha ka 7 tarik mynta u bnai ha Kiang Nangbah Indoor Sports Hall ha ka por 1 baje nohphai sngi. La kyrpad ruh ïa baroh ki skul kiba kwah ban ïashim bynta ha kane ka lympung ba kin shim ïa ki form na ka shlem treikam u DSO ha ka por long trei. Ka tarik ba khatduh ban pynpoi ïa ki form kan long ha ka 10 tarik mynta u bnai bad yn ym pdiang shuh ïa kiba wan hadien ka tarik ba la buh.
La pyntip ba ka jingkhmih bniah ïa ki rta jong ki khynnah (screening) kan long ha ka 14 tarik mynta u bnai bad ka tarik khatduh ban pynpoi ïa ka Form-II kan long ha ka 17. Ïa kino-kino ki jingtip kiba kham bniah ki lah ban phone ha une u number 9402310523.
