Balei ka don ka jingïapher hapoh ka kur ka jait jongngi ki Khasi. Ka daw ka long ba ka don jingïapher ha ka shongkha shongman namar u symbai ba ïoh na ki kpa ba ïapher. Shubuh kawei ka kmie na ka jait Lyngdoh Klai ka kha ki khun kynthei saw ngut. Baroh saw ngut ki shim ïa ka jait jong ka kmie jait Lyngdoh klai. Te ynda ki la heh la san ki la ïoh briew. Kaba nyng-kong ka ïoh ïa u Mama Nepali, kaba ar ka ïoh ïa u Khasi jait Mardon, kaba lai ka ïoh ïa u Khasi jait Nongtham bad kaba khadduh ka ïoh ïa u Bihari na Bihar. Te ki khun jong kine ki saw ngut ki ai jait shim jait sha ka kmie jait Lyngdoh Klai. Hynrei u symbai ba ki khun ki ïoh ka don jingïapher baroh saw ngut. Hooid ki ai jait sha ka kmie, hynrei ka jinglong jingim, ka dur ka dar jong kine ki khun ka ïapher. Ki ar ngut ba ïoh para khasi ki tip malu-mala ïa ka Meikha, katba ki ar ngut kiba ïoh lok bym dei Khasi kim tip Meikha. Te hangne ka jingïapher hapdeng shi kur ka mih namar u symbai ba ki ïoh ki khun ki ïapher. Ka kur ka jait te katjuh namar ha ngi ki Khasi ki ai jait sha ka kmie, ka dur ka dar bad ka long rynïeng ka ïapher ka mihngi sha sepngi. Dei kane keiñ ka don ka jingïapher hapoh ka kur ka jait jongngi ki Khasi. Nga ai nuksa ïa kane namar nga ïohi ba bun ki kur Khasi jongngi kim da don ka mynsiem ïa ieit hapoh ka kur namar ka jingïapher ha ka shongkha shongman jong ki shipara trai ruh la ka dei hapoh ka kur ka jait jongno jongno ruh. Namar shi kur ruh ka don ka jingïapher.
C. B. Iawphniaw
