Ha ka jingïohi jongnga ka roi ka par ym lah ban len ka la kiew stet mynta. Ka roi ka par ka Jylla Meghalaya ka kiew stet bha mynta ha ka sorkar ba ïalam ka N. P. P. Lada ngi phai ha ki sorkar ba la dep naduh ba synshar ka APHLC, nangta ka Congress ba ïalam i Dr. D. D. Lapang bad Mr. Salseng Marak. Nangta ka sorkar khleh khawlang ne ka sorkar lai lama jong ki seng riewlum ba la ïalam i B. B. Lyngdoh, E. K. Mawlong bad Dr. Donkupar Roy. Baroh ki sorkar ba mynshuwa ki kam pynroi kim da paw bha kum mynta ha ka jingïalam u Conrad Sangma ka sorkar M. D. A.
Ki paidbah ki lah ban kynnoh katba ki ïoh ban kynnoh khlem da wad ïa ka jingshisha.
Hynrei ka sorkar ba mynta hapoh ka jingïalam u Conrad Sangma ka long ka sorkar kaba leh bha shibun ban ïa nujor lada ngi shim na ki skhim pynroi ha ka Jylla. Beiñ katba beiñ ka sorkar M. D. A. mynta ka long ka sorkar kaba trei bha ha ka roi ka por kum ki lynti ki syngkieñ ne ki surok, nangta ha ka liang ka jingpynbeit pud bad ka Assam, ha ka ri jingri, ha ki skhim umbam umdih, ki kam Tourism bad ki kam ïalehkai ne sport bad bun kiwei kiwei ki la paw lyngba ki skhim bapher bapher. Ka jingkylla ka dei kaba paw lyngba ki skhim sorkar bad lyngba ka jingsaiñdur thymmai bad ka jingseng kam la jong, ka la kham kiew ha ka Jylla. Te ban ïa nujor ha ka roi ka par naduh ba ioh Jylla ka la kiew bha mynta ha ka jingïalam u Conrad Sangma ka sorkar M. D. A.
C. B. Iawphniaw
