Kolkata, ïaïong:
Kum ka jingdawa ban phah hiar shuki ïa ka Myntri Rangbah jong ka West Bengal, ka Mamata Banerjee, halor ka jingkynnoh ba ka sorkar jong ka kam shym la lah ban khanglad ïa ka jingïakynad ha Murshidabad, u heh nongïalam jong ka BJP, u Amit Malviya, ha ka Sngi U Blei, u la kren pyrshah jur ïa ka heh nongïalam jong ka TMC, namar ba u la kynnoh ïa ka BJP bad ka RSS, ba ki la sdang ïa ka “jingpynbna paidbah kaba shyrkhei kaba shu lamler ha ka Jylla”.
U Malviya ha ka jingthoh ha ka rynsan X u la pynskhem ba katba ka CM ka dang ïaid shakhmat ban kynnoh ba ka jingïakynad ha Murshidabad ka dei kaba la pynlong da ki briew kiba nabar, ka jingong jong ki pulit ka jylla shaphang ki jingïakynad ha ki bynta jong ka distrik ha ka 11-12 tarik u Ïaïong ka ïaid pyrshah ïa ka jingkynnoh jong ka.
Ha ka shithi ba la pynpaw paidbah ha ka miet jong ka sngi Saitjaiñ, ka Myntri Rangbah ka la kyntu ïa ki briew ban pynneh ïa ka jingsuk bad u la kynnoh ba “kine ki bor” (BJP bad RSS) ki pyndonkam ïa ka lyngkhot lyngkhai jong ka jingjia kaba sngewsih kaba la jia halor ka jingpynkhihwin ban leh ïa ka saiñ pyrthei kaba pynïapher jaitbynriew.”
“Ka BJP bad ki seng ba la ïatreilang jong ka ki la kylla long kynsan kynsan kiba shyrkhei bha ha West Bengal. Kine ki seng ba la ïatreilang ki kynthup ïa ka RSS. Ngam shym la shim ïa ka kyrteng jong ka RSS kham mynshwa, hynrei nga shah pynbor mynta ban ithuh ïa ki. Ryngkat, baroh ki la sdang ïa ka jingïakhih lamler kaba shyrkhei ha ka jylla,” ka la kynnoh ha ka shithi.
Ha ka jingpyrshah kaba jur ïa ka jingong jong ka Banerjee, ka Malviya, nongpynïaid lang jong ka BJP West Bengal, ha ka post ha X ka la ong, “Da kaba pyndonkam ïa ka shithi ba thikna jong ka kum ka Myntri Rangbah, kaba la khmih lynti ba kan shakri ïa baroh ki nongshong shnong khlem liang-ka kynnoh ha ka jaka kata ïa ka seng synshar ba kongsan jong ka, na ka bynta ka jingbymlah jong ka. ka kynhun pulit jong ka hi ka pynrem ïa ka jingïathuh jong ka ba ïa ka jingshah thombor pyrshah ïa ki Hindu ha Murshidabad la pynmih da ki briew kiba nabar.”
“Ka kyntien kaba ka la shim dang shen ban pynkylla ka long: ‘Ngam shym la jer kyrteng ïa ki mynshuwa, hynrei nga dang leh kumta mynta.’ Kaba sngewsih ka long ba ka la pyndonkam ïa kajuh ka laiñ tang katto katne sngi mynshwa ban thombor ïa u Myntri ka tnat ki kam pohïing jong ka sorkar pdeng, u Amit Shah-u briew uba ka la kynnoh mynshwa khlem ki sakhi ne jingteh lane ki jingkynnoh jong ka pyrshah ïa ka Rashtriya Swayamsevak Sangh ki bud ïa kajuh ka rukom, kaba ju jia man ka por, kaba khlem nongrim, bad kaba don jingthmu saiñ pyrthei,” ong u heh jong ka BJP ha ka jingïakren bad ka kynhun IT cell.
Haba ïadei bad ka jingbthei bom ha Khagragarh bun snem mynshwa ha ka por jong ka Banerjee, u nongïalam ka BJP u la ong, “Ka nuksa kaba pawnam jong kane ka buit pynkylla lynti ka dei ha ka por ba jia ka jingbthei bom ha Khagragarh kaba la donkti ki nongtrei ka Jamaat, ha kaba ka jingbthei bom ka la jia ha kawei ka ïing ba la ai wai da u nongïalam ka TMC.”
“Khlem kano kano ka jingpynshisha, ka Mamata Banerjee ka la kynnoh kyrkieh ïa ka RSS ban ïada ïa ka bank vote jong ka. Ka long kumba man la ka por ba ka jinglong saiñ pyrthei jong ka ka don ha ka jingma, ka pyndonkam da kaba thmu ïa ka kynhun niam Hindu,” u la ong.
Haba kynnoh ba ka Myntri Rangbah ka la duh ïa ka jingshaniah, u Malviya u la ong, “Kane ka buh ïa ka jingkylli kaba khia bha jong ka jingshaniah bad ka jingbym shim liang: Kum baroh arngut ka Myntri Rangbah bad u Myntri ka tnat ki kam pohïing jong ka jylla-uba peit beit beit ïa ka CID-kumno lah ban khmih lynti ïa ka Mamata Banerjee ban pynthikna ïa ka jingtohkit kaba khlem shah liang halor ka jingshah thombor ha Murshidabad, khamtam haba ka kynhun Special Investigation Team (SIT) la thaw ïa ki ophisar hapoh ka sorkar jong ka hi?”
“Ki pulit jong ka West Bengal ki la tip lypa ïa ki jingïalang paidbah. Balei, te, kim shym la pynsangeh lypa? Hato ki kynhun runar, ki tiar ïaleh, bad ki maw ki la mih na ka lyer kaba jem?,” la kylli u nongïalam ka BJP.
“Ka paw shai ba ka Myntri Rangbah ka jylla ka la ïalam bakla bunsien ïa ki paidbah. Ka jingkitkhlieh ka la sahkut slem bha-ka Mamata Banerjee ka dei ban hiar shuki,” u la bynrap.
