Kane ka dei ka jingshem bad ka jinghikai jong ka ktien U Blei (Baibl) kiba u Jisu u la ong ha uwei na ki synran uba kyrpad bad ong, Ko Trai shah ba ngan leit noh shuwa ban tep ïa la u kpa. Hynrei u Jisu u la ong ha u, IEH ïA KIBA ïAP BAN TEP ïA KIBA ïAP JONG KI (Loukas 9 : 60). Kane ka pynpaw shai ba wat U Blei ruh um lah shuh ïa kiba ïap ba kin ïoh im. Kiba ïap kim lah shuh ban ïoh jingpynim na u Blei ruh. Namar u Blei u la buh ïa ka jingïap ha ngi ki briew. Kumta ki briew naduh mynhyndai ha ka por U Jisu ruh bun ki la ïap bad khlad noh na kane ka pyrthei. Bad kim don lynti da kumwei pat ban ïoh im biang. Wat ki Apostol kiba long ki synran bajan u Jisu ruh kim don jaka ba kin ïoh im, shisien ba ki la ïap. Naduh hyndai hynthai naduh ka por u Adam uta u briew uba nyngkong, U Moses, haduh kine ki sngi ruh kiba la ïap ym don ba lah ban pyllait im ïa ki. Ngi ki briew shisien ba ngi la ïap ngim lah shuh ban khie im ne mih pat.
Namar u Blei u la buh ïa ka jingïap ba kan don ha ngi ki briew naduh myndang long ka pyrthei. Wat la ki jinghikai niam lyngba ki balang ba ngin sa khie im ne mih pat ha ka akher ka sngi ka long tang ka jingkmen tohhoh ïa ka bym long lah long lano lano ruh. Namar naduh ki hajar snem mynshuwa naduh ka por u Adam, u Moses, U Jisu Khrist haduh kine ki sngi ym don kiba la ïap ban wan phai na ka jingiap ne mih pat. Shisien ba la ïap bad la dei ban tep ïa ngi ki briew hapoh ka dewmet. Kim lah shuh ban dang ïa kynduh ïa kiba ha ïing hasem, ki khun ki kti kumba ym pat iap. Namar ïa kiba haïing ha sem, ki khun ki kti kumba ym pat iap. Namar kane ka dei ka aiñ Blei ka dang trei kam haduh kine ki sngi ba mynta ruh kam pat duh. Namar ym don ba lah ban pynim shisien ba ngi la ïap bad la tep ïa ngi ki briew.
C. B. Iawphniaw
