Kane ka ju long ka rukom naduh ki por ba mynbarim ha ka por u Jisu Khrist haba u leh ki kam babha ki Pharisi ne ki riewniam ha kata ka por ki ju wohdong wohnia ïa ki kam babha ba u Jisu u la leh. U Petros ruh u len ïa u Jisu. U Judas ruh u die tad dor ïa u Jisu.
Ki rangbah Lyngdoh ruh ki ïa pyrthuhbeiñ lem bad ki nongthoh bad ki tymmen basan ki la ïa ong, u ïa pynim ïa kiwei ïalade pleng um lah ban pynim. Ki briew baroh ki da ïathuh ki la ïa ong ruh. To ka snam jong u kan long halor jongngi bad halor ki khun jong-ngi (Mathaios 27 : 25). Ki rangbah Lyngdoh ki la pynkhih ïa uta u paidbah ba un pyllait noh keiñ ïa u Barabbas na ki.
Ki Pharisi ki la ïa ong une u briew um long na U Blei naba um sumar ïa ka sngi Sabbaton (Ioannis 9 : 16). Ka la jia te ha kawei na kita ki sngi haba u dang hikai ïa u paidlang ha ka templ bad ba u dang ïalap ia ka Gospel ba ki rangbah Lyngdoh bad ki nongthoh lem bad ki tymmen basan ki la wan lap ïa u. Te ki la ïa kren ha u, ki da ong. To ïathuh ha ngi da ka bor aiu ba me leh ïa kine kiei kiei ruh lane dei uta uba la ai ha me ïa kane ka bor ? Te kum kine kiei kiei ki jia beit ha kiba leh ïa ki kam babha.
C. B. Iawphniaw
