Shillong, Naitung 07
Haduh san ngut ki briew kiba dei bar jylla, la lap ba ki la phah ïa ki phom ne syrnod Other Backward Class (OBC) sha ka ophis ki bor district da kiba thok.
Katkum ka khubor na ki pulit la ong ba ka Kong Dalinkynti Kharshiing, na ka ophis jong ka Deputy Commissioner ka East Khasi Hills, Shillong ka la ai ka jingujor sha ki pulit ba ki phom OBC ba la ai da ki san ngut ‘riewshimet ba ki dei na kiwei kiba dang sahdien ne OBC kiba kynthup ïa u Jayprakash Yadav, Sandeep Yadav, Vinay Yadav, Ajay Yadav bad u Sateesh Yadav, la lap ba ki dei kiba thok.
Ha kaba ïadei bad kane, ka thymmei khubor ka la ong ba na ka liang jong ki pulit ki la register ïa ka ehajar bad ka jingtohkit ban lap ïa ki jingshisha halor kane ka jingleh thok ka dang ïaid shakhmat bad ban leh ïa kaba donkam katkum ki kyndon jong ka aiñ.
