Gaza, Naiwieng:
Ka kynhun lehnoh Hamas jong ka Palestine, ha ka Sngi U Blei ka la pynbna ba kan pynphai biang noh ia ka met jong uwei u heh shipai jong ka Israel- u Lieutenant Hadar Goldin, uba la kyllon iap hapdeng ka jingiakhun ha ka thma kaba la jia ha u snem 2014 hapoh ka nongbah Gaza.
Hynrei la ong ba ki tnat peit-bniah jong ka Israel, kin dang hap ban peit-bniah bad pynithuh pura ia katei ka met jong utei u heh shipai ka Israel tang mar ia ioh pdiang ia ka met jong u na ka Hamas.
Kumta la ong ba katei ka kynhun Al-Qassam Brigades kan sa aiti noh ia ka met jong u Hadar Goldin, ia kaba la lap hynin ka sngi na kawei ka thliew krem kaba don hapoh ka nongbah Rafah ha ka por kumba 2 baje nohphai sngi.
Lada la pyntikna ba u dei shisha ma u, la ong ba u Goldin un long u nongshah set lane u nongshah rahbor ba 24 ba ka Hamas kan pynphai bad aiti biang noh sha ka Israel katkum ka jingiakut.
Namar la ong ba ia ka met jong u Goldin, la shah bat noh ha Gaza naduh katei ka por ba u khlad ha u snem 2014. Haduh mynta, ka Hamas kam pat ju pyllait khubor ne kam trai halor ka jingiap jong u lane ba ka met jong u ka don badki.
