Gaza, Naiwieng:
Ki nongialam ka Gaza, ki la pyntip ba ha ka Sngi Nyngkong ki la kyntait ia ka jingiasuk ba la tyrwa da ka UN ban wanrah noh ia ka jingsangeh thma ba pura hapoh Gaza Strip, ha kaba, ka la pynksan ba katei ka rai ba la wanrah ha kane ka por, ka la ïaid lait noh ia ki jingdawa bad ki hok jong ki nong Palestine. “Kane ka rai kam iahap satia bad ki jingdawa bad ka hok jong ki paidbah Palestine jongngi ha ka saiñ pyrthei bad ka jinglong briew”, la ong ki nongialam katei ka kynhun haba ai jingkren sha ki lad pathai khubor ha katei ka sngi.
Ka kyrwoh ka la pynrem ruh ïa ka jingthaw ïa ka kynhun shipai pyrthei kaba ka “kam jongka, ka kynthup ïa ka jingpynduh noh ia ki tiar ïakhun jong katei ka kynhun lehnoh ka Palestine hapoh Gaza.
Ka UN Security Council ka la pynlong da ka jingthep vote ban pynshisha ia ka jingkyrshan bad ka jingpyrshah halor katei ka rai ba la shna da ka US, kaba pynskhem ïa ka jingthmu ïasuk jong u President Donald Trump ha Gaza. Ki don 13 tylli ki vote kiba kyrshan ia katei ka jingthoh, kaba ka Washington ka la pynbna hadien ka jingthep vote, kum ka histori bad kaba tei ha kaba tang ka Russia bad ka China, ki la kyntait ban ai jingkyrshan ia katei ka rai tangba ym shym la don kano- kano ka jingpyrshah haba iadei bad kane ka jingbym ai jingkyrshan jongki ia katei ka rai.
