Ha man ki shnong ki thaw ki don beit ka rukom ba la pruid dak ki longshuwa manshuwa ban jied ïa u Rangbah Shnong uba long u khlieh u ban pynïaid ïa ka shnong ka thaw. ïa u Rangbah shnong dei ban jied beit (Direct) da ki nongshong shnong ha ka Dorbar shnong bad ym dei ban jied ïa u Rangbah shnong da ka Executive Committee ne kano kano ka Committee jong ka shnong. U Rangbah shnong uba shah jied bad ioh jingbun paid un bat ïa ka kam pynïaid shnong pynïaid thaw katkum ka samoi (term) ba ka Dorbar shnong ka la buh bad mynjur. Hooid lah ban pynkylla ïa ka samoi trei kam katkum ka jingbit jingbiang ka rukom pynïaid shnong. U Rangbah shnong u long u khlieh jong ka shnong u ban pynïaid beit bad ryntih ïa ka shnong ka thaw. U Rangbah shnong u ioh ka burom na ki nongshong shnong kum u kpa jong ka shnong. ïa u Rangbah shnong la jied napdeng ki nongshong shnong uba la ih bha ka rta bad uba la kham rangbah. Kane ka long ka rukom ban jied ïa u Rangbah shnong uba long u khlieh jong ka shnong.
C. B. Iawphniaw
