Ka dustur ka dei ka kam ïing kam sem jong kawei pa kawei ka jaitbynriew. Ym dei ba ngi don katjuh ka dustur ka riti ha baroh ki jaitbynriew. U Phareng u don la ka jong ka dustur. U Shaina u don la ka jong ka dustur. U khar Sikh u don la ka jong ka dustur. U Arab u don la ka jong ka dustur. UAssamese u don la ka jong ka dustur. U Mizo ki don la ka jong ka dustur bad kiwei kiwei ruh ki don la ka jong ka dustur ka riti ba la buh u longshuwa manshuwa. Ngi ki Khasi ruh ngi don la ka jong ka dustur. Kum ka nuksa ha ka dustur Khasi u shynrang Khasi u thoh shithi tyrwa sha ka kynthei. U da kyrpad kyrpon ïa ka ba kan pdiang ïa ka jingtyrwa jong u. Katba ha ka dustur ki Garo ne Achik dei ka kynthei kaba phah kylli ïa u shynrang. Ha kawei pa kawei ka jaitbynriew ba bun ha pyrthei ki kheiñ jait shim jait na u shynrang, katba ha ngi ki Khasi bad Garo ngi shim jait na kynthei. Kine baroh ki long kita ki dustur ki riti ba kawei pa kawei ka jaitbynriew ka don. Bad ym ba ngi ïa don katjuh ka dustur ha ki jaitbynriew bapher bapher. Kawei ka jaitbynriew ka don la ka jong ka dustur ka riti.
C. B. Iawphniaw
