Baroh shi katta ngi ki riewlum Khristan ngi ïoh ban mane Blei laitluid kum ki Khristan riewlum ngi ïoh ruh ka jingithuh kyrpang kum ki riewlum ne Schedule Tribe bad ngi ïoh ïa ki hok jingmyntoi kum ki Schedule Tribe ba ka riti synshar ri ne constitution jong ka ri India, ka ai ha ngi ki riewlum Khristan baroh hapoh ka ri India hynrei mynta uwei u MP jong ka BJP u Nishikan Dubey ha u bnai March 2026 ula kyntu (urged) ïa ka sorkar pdeng ban pynduh noh ïa ka Schedule Tribe status ïa ki riewlum ba la kylla niam Khristan ne niam Islam (Muslim) ula dawa ïa kane ha ka question hour ha Lok Sabha, u da kdew ruh ïa ka rai ba dang shen ka Supreme Court kaba la ai order pynskhem ba uno uno u briew uba ngeit niam ne leh niam (professing a religion kiwei pat ki jaid niam lait noh na ka niam Hinduism, Sikhisim, Budhisim um dei shuh u member ne dkhot jong ka Schedule Caste (SC) utei u MP BJP u dawa na ka sorkar ba uno uno u riewlum tribal uba la kylla niam Khristan ne Islam dei ban pynduh noh ïa ka tribal status ym dei shuh ban kheiñ ba u dei u Schedule Tribe / Kane ka la paw ha ka kot khubor The Shillong Times 28th March 2026. Ki sngi kiba eh haduh katta katta ki lah ban wan ha ngi ki Khristan riewlum ngi lah ban duh ïa ka jinglong Schedule Tribe kumba ngi ju long baroh shi katta bad ïa ki jingmyntoi baroh Schedule Tribe status. Lada ka sorkar India ba la ïalam da ka sorkar BJP kan sngap bad kohnguh ïa ka jingdawa utei u MP ka BJP ngi ki riewlum Khristan ngin sa mat ïa ki jingeh ba khraw haduh katta katta. Ka long kaei kaei kaba bha ïa ka sorkar Meghalaya ba kan pynshai paidbah kaei ka jing-iohi ka Sorkar ne kaei ka plan jong ka Sorkar lada jia ba ka dei ka jingdawa u MP BJP kan urlong shisha ba ngi ki riewlum khristan ngin duh noh ïa ka kyrdan Schedule Tribe.
Dr. Boss L. Marhtong
New – Nongstoin
