Kum ki khristan ngi dei ban im bad snoh ka jingim kaba pyni ha ki briew ba ngi long kiba dap da ka mynsiem ka jingieit. Ki khristan kim dei ban im ka jingim kaba dap da ka bishni pihuiñ bad ka jingïaprat para briew. Kane keiñ kan paw kum kita ki khun u Blei. Lada ngim don ka mynsiem ïa ieit ngin paw kita ki khun u Blei. Lada ngim don ka jingsmat jingïaseng jongnga jongphi haba ka mynsiem ka dap da ka jingarsap bad pihuin para briew bad paralok parajor. Namar uwei pa uwei baroh u bym ju leh ïa ka hok um long na u Blei lymne uta u bym ieit ïa la u para briew, u long kum uta u khristan ka nam bad soitan ka kam. Naba kane ka long kata ka jinghikai ïa kaba phi la ioh sngew naduh kaba mynnyngkong ba ngin ïa ieit paralok hi ym kumba u Kaiñ u la long uta uba sniew bad ula pynïap noh ïa la u para (Abel) namar ym myntoi ïa ki khristan kiba smat leit jingïaseng man ka Sunday haba ka mynsiem kaba dap da ki kam ïsaitmet bad jakhlia ban peit ïa ki.
Ko ki paralok wat ai ba ngin ïa ieit tang ha ka ktien hi lymne tang u thylliej ba pnah jongphi hynrei ka jing-leh bad ka kam kam paw ka jingshisha.Namar lada kum ka shnong ne ka ïing kaba dap ka ïaleh markynti kan ym neh. Namarkata to ngin ïa beh ïa ka jingsuk bad ki briew baroh namar khlem ka jingkhuid ha ka dohnud ym don wat uwei ruh u ban ïoh ïa u Blei (Hebru 12 : 14). Kane ka long ka jinghikai ïa ngi kum ki khristan ba ngi dei ban leh bad kohnguh ïa ki hukum u Blei.
C. B. Iawphniaw
