Em, ka dustur Khasi ai jait sha ka kmie kam dei satia kaba kyrpang kumba don kiba kam. Balei, namar ka ai bhah bun ïa ki kynthei ïa ki jingdon jingem bad ka khyndew ka shyiap bad kam da ai bynta ïa ki khun shynrang. Te ka dustur kaba leh shiliang kam dei na u Blei.Namar don kiba ong, ba ka dustur Khasi ka dei kaba la buh da u Blei. Ha ka dustur Khasi u kpa u long u khlieh ka ïing, phim lah ban len ïa kane kaba la hiar pateng la pateng naduh u longshuwa u manshuwa. Bad ym don ka jaitbynriew kaba kyrpang hangne ha sla pyrthei. Lada ngi ngeit ba u Blei u la thaw ïa u briew kynthei bad shynrang. Ka jinglong kyrpang ka shong ha nga ha phi ban ri ïa ka burom ka akor ha ka shongkha shongman, ha ka niam ka rukom bad ki jingleh jingam kiba ngi ïa kynduh man ka sngi. Ka dustur Khasi kam pdiang ïa ki khun na ki kpa bym dei Khasi ban ñiew Khasi ïa ki.Namar u dei u symbai bar jylla ym dei u symbai Khasi nylla. Dei kane keiñ ba ka dustur Khasi kam dei kaba kyrpang kumba don kiba kam. Nangne ngi ioh ïa ka dustur ka riti mane ba la thaw ïa ka ?
C. B. Iawphniaw
