Wat la ka dei makna ka ri synshar paidbah (Democracy) ruh. Ha ka jingiohi jongnga kum u riew paidbah nga appeal sha ki bor Sorkar ne bor district ba ym dei shuh ban ai jingbit ne shah ïano ïano ban pynlong jingïalang (Meeting) kum ha Motphran. Namar ka ktah ïa ka ïaid ka ïeng ki paidbah, ka ktah ïa ka ïew ka hat, ka die ka thied jong ki paidbah ba bun. Ka pyndheng kali bad ka pynwit ïa ka ïaid ka ïeng ki briew ba bun. Ki bor district ki dei ban peit ban ym don ka jingktah ïa ka ïaid ka ïeng ki paidbah kum ha kane ka jaka ba long iew long hat. Ki bun ki jaka ne ki madan ba dei ban ai jingbit pynlong jingïalang sha kino kino ki kynhun kiba kwah pynlong meeting pynshai paidbah ïa ka jingthmu jong ki na ka bynta ka ri bad ka jaitbynriew ruh. Hynrei kum ha kane ka jaka (Motphran) la dei ban khang ïa baroh ki kynhun ban pynlong jingïalang ha kane ka jaka kaba thnem bha ka ïew ka hat bad khapngiah ka ïaid ka ïeng ki briew bad ki kali kumjuh.
C. B. Iawphniaw
