Haba ngim bha ka mynsiem bad khuid ka dohnud ngim lah ban iohi ïa u Blei. Ngi lah ban long ki nongïalam niam, hynrei haba ngim khuid ka dohnud ngim ym ioh ïa ka jingsuk bneng ba u Blei u ai ha nga ha phi. Ka niam ka long tang kum ka syrdep jot ha khmat u Blei. Baroh ki briew kim don jingpher lada ki don ha kano kano ka niam ne ki bym don niam ha ka niam ruh. U Blei um kyrkhu kyrpang ïano ïano ruh.
Namar u Blei u ieit bad um ju leh shiliang ïa ki briew baroh. Ki briew kiba lieh, kiba saw bad kiba ïong snieh doh ruh. Namar u Blei u la thaw ïa ngi ki briew hangne ha pyrthei katkum ki jaka ba shit ba khriat bad kiba at ba them hangne ha sla pyrthei. U Blei nongthaw nongpynlong ïa ngi ki briew um ju kyntait ïa ngi ki briew wat la ngi phet jngai na u. Ka dei ka kamram jongngi ban phai bad burom ïa u Blei hangne ha pyrthei namar ka ktien u Blei ka ong, wat khmih hangne lane hangtei ka hima ki bneng ka don hapoh jongnga jongphi. Kane ka mut ba u Blei u don ha ka dohnud jongnga jongphi. Kane ka mut ba u Blei u don ha ka dohnud jongnga jongphi keiñ ym ba u don ha bneng. Lada ngi khuid ka dohnud ka jingsuk ka shongsah ha nga ha phi.
Kynmaw haba ngi wad ïa u Blei hapoh ki templ hynrei u Blei u ong ba um ju shong ha ka templ ba la shna da ki kti briew. Kane ka mut u Blei um don hapoh templ ne ïingmane.
Namar u Blei u don hapoh ka dohnud jongnga jongphi keiñ. Kumta to ngin sumar ïalade bad im khuid ha ka dohnud u Blei un kyrkhu bad ai bor ianga ïa phi.
C. B. Iawphniaw
