Kane la shem ha ka ktien u Blei, ka ong kumne : To shah ïa ki khunlung ban wan ha nga, to wat khang ruh ïa ki naba ïa kiba kum kita long ka hima u Blei (Markos 10 : 13 – 14). Ki khunlung ki long kiba hok bad kim pat don pop.
Dei tang kiba la heh la san kim long shuh kiba hok namar ki la tip bad leh pop. U Jisu ruh u ong, wallam ïa ki khunlung ha u, naba ki long ka hima ki bneng. Kane ka mut ki khunlung kim pat don pop. Ki khunlung ki long kiba khuid bad kiba luilui. Ki khunlung bad ki khynnah rit ki long khlem pop ki shong ha ki kti U Blei.
Ki khunlung kim pat tip ïa u Blei namar mar shu nang ban kren ki la nang tang ban khot ïa ka kyrteng Papa ym ïa ka kmie ruh. Tang kiba la heh la san ki la tip ïa ka pop. Ki khunlung kiba dang kha kim pat don pop. Dei ka jinghikai jong ka niam u briew ki niew ba ki khunlung ruh ki la kha na ka pop. Hynrei ha ka jingshisha ki khunlung kim pat nang ban leh pop. Ban pynkut ki khunlung kiba dang kha bad ki khynnah rit kim dei ki nongpop, hynrei ki long kiba kordor ha khmat u Blei.
C. B. Iawphniaw
