Kumba long mynta ngi ïohi shai ïa ka jingnang kiew ka jingroi briew ki dkhar bar jylla hapoh jylla Meghalaya, ha Sor Shillong leilei la i kumba la kham bun paid ki dkhar ban ïa ki Khasi kane ka jingkhie roi stet kiwei pat ki jaitbynriew ki la pynsngew shong syier ïa kiba bun ki paid Khasi ha la ka ri ïoh ba kumno re kumno ha kawei ka sngi ngin sa shah thyllep noh ha ki dkhar bun paid kiba nang ïa wan na bar jylla. Ka jaitbynriew Khasi – Jaiñtia jong ngi ka dang duna briew shi bun eh ban ïa nujor bad kiwei pat ki jaitbynriew, bun ki nongdih kiad ki nongdih drug ki la nang ïap noh khlem dei por ha ki rta ba dang kham rit ba la kham ryning ka kiad ki jaitbynriew ki la nang duna noh, ha ki Nongsor ka jingkha khun ka la duna shibun ki ioh khun sa tang ar ne lai ngut kawei ka kmie kane ka la nang pynduna shuh ïa ka jingroi briew ka jaitbynriew Khasi – Jaiñtia jongngi, ngi kynmaw ieit ïa u bah (L) Mr. H. S. Shylla mynba u long u CEM ka Khasi Hills District Council ula ïohi shai ïa kane ka jingduna briew ka jaitbynriew ula ai da ka jingïarap grant ïa kito ki longïing ba kham khun kham bun paid haduh 15ngut haduh 25ngut kawei ka longkmie khnang ban pynroi bun paid ïa ka jaitbynriew ba duna paid bynriew haduh mynta. Kane ka jingleh u bah (L) H. S. Shylla, nga sngew ïahap jingmut shibun eh na ka bynta jongngi kiba dangrit paid tang ban tei ïing building tei surok ruh ym don briew la jong nang duna briew palat eh ki briew lajong. Ki Nongkyndong te ki dang pynroi briew shisha haduh mynta ban pynrben ïa ka jaitbynriew hapoh la ka ri ba dang kylluid ka lum ka wah ka khyndew ka shyiap ha ki nongkyndong dang duna shibun ki longïing kiba kha khun shi phew ne khadar ngut shiïing shiïing kine hi ki dang pynrben ïa ka jaidbynriew ba dang duna paid ban shah thyllep ha kiwei pat ki paid bynriew ngi ïohi ba ka Sorkar Mizoram ka pynshlur ïa ka jaitbynriew Mizo ban kha khun kham bun ban pynroi ïa ka jaitbynriew ba dang duna briew. Ka sorkar Meghalaya jong ngi ruh ka dei ban pynshlur ban kha khun khambun ban nangroi ka jaitbynriew ba dang duna paid.
Dr. Boss L. Marthong
New Nongstoin
