Ka Nongnah ka long ka shnong kaba itynnad ban peit ïa ki sawdong sawkun jong ka, ba la pynwandur da ka Meimariang. Kumba long mynta ka Nongnah ka dang duna bha ki nongwan jngohkai ba sniew ki lynti ki syngkien. Naphang shatei, Mihngi bad sepngi la ker da ki riat bad ki lyhuh bah. Lait noh tang shaphang shathie la ker da u Lum kata ka Iawpaw.
Ka Nongnah ka long ka shnong kaba don ha South West Khasi Hills District, ba la tip kum ka thaiñ Ri War Sepngi. Ka Nongnah ka long ka jaka jngoh kai kaba itynnad bha lada lah ban pynïoh surok haduh ha kliar u lum Iawpaw ka jaka kaba don ka Krem Mawtynhiang kaba lah ban khring bha ïa ki nongwan jngohkai (Tourist) ka jingdon ka Pung sum shriah ha shiteng riat bad ka Krem Mawtynhiang halor u lum ïawpaw ka la khriang shibun ki nongwan jngoh kai na kylleng ka ri. Nangta ka jingdon bad mih kynrei bha u Tiew Rakot ne u Pitcher Plant uba la tip kum u Tangniang – riang ha ka ktien shnong ka la khring ïa kiba ieit Mariang ban wan jngoh kai ïa ka thaiñ. Ka shnong Nongnah la tip de kum ka Table Land. Ka surok kaba wan lyngba ka Mawkyrwat haduh Nongnah bad shaduh Ranikor ka long ka surok kaba dang khapngiah bad ka donkam ban pynheh ïa ka. Kumta la kynti ïa ki bor ba dei peit bad ïa u nongmihkhmat ban thaw ki lad ki lynti ban pynioh surok haduh ha kliar u tei u lum Iawpaw. Kane kan ïarap ban kyntiew ïa ka kam jngoh kai ha kine ki thaiñ ka South West Khasi Hills District ka Jylla.
C. B. Iawphniaw
