Agartala, Jymmang:
U Myntri Rangbah ka Tripura, u Dr Manik Saha, ha ka 15tarik, Jymmang, u la pyndep ïa ka kam saw snem kum u khlieh jong ka tnat treikam jong ka saiñ hima sima jong ka jylla. Haba kren sha ki lad pathai khubor ha ka sngi Saitjaiñ, u la jer kyrteng ïa ki jingjop ba kongsan jong ka sorkar jong u bad u la ong ba u sngewhun ïa ki katto katne ki jingthmu kiba dang ïaid shakhmat.
U Dr Saha u la ong ba u sngewkmen khamtam eh ïa ki jingpyrshang ban pynkhlaiñ bad pynkylla ïa ka tnad pule puthi. U la kdew ba bun ki samla pule mynshwa ki leit shabar ka jylla ban pule kham shalor, hynrei mynta ka sorkar ka la wanrah katto katne ki jaka pule ban buh ïa ki jaka pule hapoh ka jylla Tripura. U la ong ruh ba la seng ïa ki skulbah thymmai jong ka jylla.
Katkum ka jingong jong u, la khmih lynti ba ki kolej na ka bynta ka dawai Homeopathic bad Ayurvedic kin treikam noh naduh ka Academic session ban wan. “Kine ki kam baroh ki ïajan bha bad ka dohnud jong nga”, la ong u Dr Saha.
Haba kren shaphang ka synshar khadar, u la ong ba ka jingsngew jong ka jingïakhun kaba koit ba khiah ka la mih hapdeng ki tnad bapher bapher. U la bynrap ba ka roi ka par ka dang sah tang ka jingthmu jong ka sorkar.
Halor ka koit ka khiah, u la ong ba la wanrah katto katne ki jingkylla kiba bha, kynthup ïa ka jingpynrung doktor man ka por bad ka jingpynbun ïa ki nongtrei ha ka liang ka koit ka khiah.
U la kdew ruh ba ka sorkar pdeng ka la mynjur ïa ka pisa na ka bynta ban pynïar ïa ka koit ka khiah bad ban pyndap ïa ki jaka shong sumar. “Ngan ym ong ba ngi la pynpoi ïa kaei kaba la kular hynrei ngi trei da ka dohnud baroh ban pynurlong ïa ka Saturation Point. Ka sorkarpdeng ka la mynjur ïa ka pisa na ka bynta ka koit ka khiah bad ngi la ïoh ruh ïa ka jingmynjur na ka bynta ki jaka shong sumar ba kham bun.”
U Dr Saha u la ong ba ka sorkar ka la kiew bha ruh ha ka jingpynroi ïa ki jingtei. U la pynpaw shuh shuh ïa ki jingjop ha ki bynta kum ka jingïalehkai, ka rep ka riang, bad ka bording ba lah ban pynthymmai. U la ong ba la pynbha ïa ki jingtei ïa ki jingïalehkai, kynthup ïa ki jaka ïalehkai Synthetic bad ki madan, ha kylleng ka jylla. U la kam ruh ïa ka jingkiew ha ka jingmih na ka rep ka riang bad u la ong ba ka Tripura ka treikam bha ha ka liang ka bor ding ba lah ban pynthymmai haba ïanujor bad kiba bun kiwei pat ki jylla.
Da kaba pynpaw ïa ki jingpynkylla ha ka synshar khadar, u la ithuh ïa ka jingpynrung kam kaba shai bad ka aiñ kum ki nongrim ba kongsan jong ka jingtreikam jong ka jingsynshar jong u. U la ong ba palat 20,000 tylli ki kam sorkar la ai naduh u snem 2018 bad u la kam ba ka Tripura ka don ha ka kyrdan kaba rit tam ha ka jingkheiñ ïa ki kam runar baroh.
U la bynrap, “Naduh u snem 2018, ngi la ai palat 20,000 tylli ki kam. Ha kaba ïadei bad ka aiñ bad ka suk ka saiñ, ngi don ha ka kyrdan kaba lai kaba rit tam ha kaba ïadei bad ka kam runar baroh kawei. Ngi la leh bha ha jan baroh ki kyndon jong ka jingsynshar bad lada phi kylli ïa nga ngam pat sngewhun pura namar ba ka dei ka rukom treikam kaba bteng.”
