Kum ban bynrap ïa kaei ba i Bah Raphael Warjri i kynthoh ban pyneh rngiew la ka Tynrai la jong ka long ban sdang shwa na ka ktien bad ba ka Editorial u Nongsaiñ Hima ruh ka la batai shaphang ka jingpeitngor bad ban long kiba ieid ïa la ka jong bad burom ïa jong kiwei Haba ngi la ïa kiew ïa roi kumne bad ba ngi la tip ruh ba ka ktien ka la kiew kyrdan te balei ngim ïa pyrkhat sa kawei de kawei nga don ban pynpaw hangne ba naduh kiba rit haduh kiba khraw kiba don ha ki bor Sorkar ngin ïa pyrkhat da kaba pynlong ruh ïa ka ri tipbriew tipblei.
Ngi la sdang ïa u snem da u Nai kyllalyngkot bad ruh ngi la ïa tip ba ki briew ki ong ba ka 22th u Nohprah ka dei kaba mynsngi ka lyng-kot tam sa antad ba ïa ka jaidbynriew jong ngi la tip da ka Hynñiew Trep te kan bha lada ïa ka sngi kaba hynñiew jong u bnai ba nyngkong yn pynhap ha katei ka 22 tarik kata ka long ba ngin pynkylla noh ïa ka jingrakhe snem Thymmai para Jaidbynriew kein ym baroh shu tynneng sah. Te kumta ka la dei ïa ngi ban don noh la ka jong ka kot Tarik ne Almanak Tynrai ban ïa tip ïa ka sngi sdang snem. Ngi la tip bad iohi ruh ba kiwei pat ki jaidbynriew ba marjan bad ngi ki la don, kum ka Sika Calender kaba thoh da la ki tarik la jong ha trai kyn-riang ki tarik phareng, ban tip ïa la ka jong ka rukom kheiñ ne por Te kumta nga da kyrpad rit ba sngewbha leh eiei noh. Kyndit ban pyrkhat thymmai.
A. B. Hynñiewta
Jaiaw Lumbatemon
