Ka Nongnah ka long ka shnong kaba itynnad ba ka Mei mariang ka ai. Ka Nongnah ka don (Location) na ka thaiñ Ri War Sepngi jong ka South West Khasi Hills. Ka long ka shnong kaba itynnad bha ha ka dur ka dar ba ohdur ohdar da ka Mei mariang. Ka Nongnah ka long syiem kum ka miej (Table land) bad la ker kut da ki riat ki lyhuh baroh sawdong lait noh phang shathie ba itynnad bha hapoh ri Khasi – Jaintia ba pynlong ka Mei ma-riang. Kane ym dei ba ïaroh ka long shisha kumta. Ka jinglong ka mariang kum ki lum ki wah, ki khlaw ki btap, ki riat ki ram, ki them ki lyhuh, ki krem ki kroh, ki phlang ki pyn-i-tynnad ïa ka shong bad ïa ki sawdong sawkun jong ka. Ka jingmih u Tiew Rakot (Pitcher – plant) uba mih bha ha ki rudnong Nongnah. Nangta ka jingdon ka Pung sum shrieh na ka Natural swimming pool, ha shiteng riat bad ka krem Mawtynniang ha u Lum Iawpaw ka la khring shuh shuh ïa ki bor shnong bor Hima ban wan peit ne jngoh kai ïa ka Nongnah. Ka Nongnah ka la ioh ïa ka surok (P. W. D.) ba pynïasoh haduh Mawkyrwat haduh Ranikor Civil Sub – Division mynta. Ka jingdon ki kshaid ha ki wah duid katno ka pynitynnad bha khamtam ha ka por lyiur. Ka Kshaid Phad Syntih haba peit ka la syriem dur ïa ka Kshaid Nohkalikai (Sohra) haba phai ha ka jingnoh rymphum ka um na jrong riat ha ka por slap. Ka Nongnah ka don phra kyntoit ba pynlong ïa ka Nongnah. Kaba nyngkong ka nongkdiat nongdom, kaba Ar ka nongkdait nongtwah, kaba lai ka shnong Thangrai, kaba saw ka Domsohkhai, kaba san ka Mawhyndeng, kaba hynriew ka Nongktien, kaba hynniew ka Nongbah bad kaba phra ka Mawtajam.Na Nongnah lah ban iohi kyndiang ia ka ri thor Bangladesh bad ïa ka shnong Sunamganj. Katba na kliar u lum Iawpaw lah ban ïohi ïa ki katto katne ki bynta ka West Khasi Hills, ka Eastern West Khasi Hills, ïa ka hima Langrin, Nobosohphoh, Bhowal bad Mawlaisohmat. Ka Nongnah ka long ka shnong kaba itynnad bha ha ka Natural beauty ba pynlong ka Mei mariang.
C. B. Iawphniaw
