Naduh ki por ba mynshuwa haba phai ha ka Baibl ki briew kim ju burom ïa ka hukum u Blei. Katno tam mynta lei lei ki briew ki bun sa tang kiba arsap bad kiba jler ym don kiba wad ïa ka jingshisha ki leit sha ki jingïaseng ym ba ki mane Blei hynrei ki mane thala ïa u Blei. Kane ka long katkum ka jingïathuh u Isaiah u nongïathuhlypa shaphang jongphi kiba arsap bad u la ong kumba la thoh. Kine ki briew ki burom ïa nga da la ki rmiang shyntur hynrei ka dohnud jong ki te ka jngai na nga. (ka mut na u Blei). Hynrei ki mane thala ïanga haba ki hikai ki jinghikai ïa ki hukum jong ki briew naba haba ki ïehnoh ïa ka hukum u Blei, ki bat skhem ïa ka hukum pateng la pateng ki briew kum ka jingsait ïa ki luta bad ki khuri bad ïa bun kiei ruh. Kiwei pat kum kine ki len (Markoas 7 : 7-8). Ki pynduh ïa ka ktien u Blei da ka rukom pateng la pateng jong ki ïa kaba ki hikai bad shibun kiei kiei ruh kum kine ki leh. Kane ka pynpaw ba ki briew mynshuwa ki mane thala ïa u Blei.
C.B. Iawphniaw
