Ngi ioh jingim lyngba ka kam rep kam riang ym na kiwei kiwei ki rukom shakri niam bad bat dustur jong-ngi ki briew. Ngi im lyngba ka trei ka ktah bad dei ban da trei shitom ban ioh ka bam. Ka leh niam leh rukom ka long tang ka kam kmen tohhoh ïa la ka bym bit ha ka longbriew manbriew. Ka kam niam ka pynïashrut para briew bad pynïapher para briew hapdeng jongngi.Kiba bat niam bat rukom ki sngew ba ki long tang ma ki kiba hok. ïa kiwei ki ñiew ba ki long kiba biej bad ki bym lah ban ioh ïa ka burom. Dei tang ha ka niam ki sngew sarong ba ki ioh ka jingim kaba bha ha kane ka pyrthei.Ka jingtrei shitom ka long u maw jam sha ka lynti kaba dei ka jingim jongngi ki briew. Ki bym rep bym riang ki long kiba duk na ka jingim briew ka donkam ïa ka jingminot na ki kam ki jam ba ngi trei ngi ktah. Lada ngi ïehnoh ïa ka rep ka riang kata ka ri bad ka jaitbynriew kan kylla duk ha ki liang baroh.Namar khlem ka rep ka riang long leh noh ei ka jingnang jingstad ha ngi ki briew. Hooid ka jingñiew kor ïa ka jingstad ka donkam tangba ngi dei ban shim khia ïa ka kam rep kam riang ym ban shu ïa beh tang ïa ka jingstad khlem tip ïa ka jingshisha ha ka imlang ka sahlang. Khlem ka rep ka riang ka jingnang jingstad ka blad noh shiteng por. Namar khlem ka rep ka riang ka long kumba ngi khlem ioh ei ei ban bam na ka bynta ka jingim ha kane ka sla pyrthei.Namar lada ngi bam ïa ka jingnang jingstad katno katno ruh ngim lah ban im khlem bam ïa kiei kiei kiba mih na ka rep ka riang.Kumta ka kam rep ka riang ka long tang ma ka kaba donkam tam ha ngi ki briew.
C. B. Iawphniaw
