Ka Nongnah ka long ka shnong kaba la ohshrong itynnad da ka Mei Mariang.Ka ïa syriemdur kum ka shuki. La ker ïa ka la jan baroh da ki riat bah.Ka phang sepngi, ka phang shatei, bad ka phang mihngi la ker da ki riat bad ki lyhuh bah.Tang ka phang shathie la ker da u Lum ka Iawpaw. U Lum ka Iawpaw u long kum ka bynta ba shadien ka shuki bad phang shatei kum ka khmat. Ka shnong Nongktieh Nongbah bad ka Mawtajem ki don sha khlieh. Ka perbah ka long kum u ryndang briew.Ka shnong Mawhyndang, Nongkdait bad Domsohkhai ki long kum ka met bah ne shadem.Ka twah Mawpaid ka long kum u syngkai briew.Ka shnog Thangrai bad ka surok P. W. D. ban leit sha Ranikor ki long kum ka kjat kamon kjat ka-diang u briew. Ka phot shnong Thangrai ka pyn-ïa-khlad ia ki artylli ki kjat. Kane ka long ka dur ba paw ka shnong Nongnah.Ka shnong Nongnah ka long ka shnong kaba itynnad bad ka don baroh 7 kyntoit kiba pynlong ïa ka Nongnah.Ka Nongnah ka don hapoh South West Khasi Hills District ka Jylla Meghalaya.Ka don ruh ki jaka jngoh kai kum ka pung sum shrieh ne phot sum shrieh bad ka krem Mawtynniang kiba itynnad bad khring ïa ki nong-jngoh kai ban peit kai halor u Lum Iawpaw bad ki sawdong sawkun jong ka, Ka Nongnah kaba itynnad ba ka mariang ka la ai.Kane ka long ka jingthoh lyngkot shaphang ka Nongnah kaba nga la heh la san na ka.
C. B. Iawphniaw
