Shillong, Naitung 02
Ka Sorkar Jylla kala leit mudui sha ïingbishar Supreme Court ban pyndam noh ïa ka jamin bala ai sha ka Sonam Raghuvanshi, kaba shah kynnoh hakhmat eh ha ka jingpynïap ïa la u kurim, u nongkhaïi na Indore (L) Raja Raghuvanshi ha u snem 2025.
Haba mihkhmat ïa ka Jylla, u Solicitor General Tushar Mehta u la ïasaid ban buh kham kloi ïa ka jingbishar halor kane ka kam. Ka ïingbishar kala kular ba ïa kane ka kam yn sa shong bishar kham kloi kat kaba lah.
U Mehta u la pynsngew ba ka ïingbishar ba bishar ïa kane ka kam, kala ai jamin ïa ka Sonam tang namar ba ki pulit kim shym la lah ban ai jingtip kaba paka halor ki daw ka jingkem ïa ka.
U la pyntip ha ïingbishar ba kane ka rai ka mih namar ka jingdon jingbakla ha ka jingthoh, haba kdew ïa ki kyndon aiñ kiba don jingïadei, kaba u ong ba ki nongrim kim pat biang ban ai jamin.
Haba maham ïa ki jingma kiba ap, u Mehta u la pynpaw ba ka Sonam Raghuvanshi ka lah ban phet rieh lada ka dang don ha ka jamin bad ban jur ïa ka jingtuklar mardor da ka ïingbishar.
