Amlarem, Risaw 25
Ka Hynriam SSC, Mukhim Bro SCSC bad Syndai Mission ki la khur jingjop ha ka lympung ïalehkai 3rd Division Football Legaue ba la pynïaid da ka Amlarem Subdivisional Association (ASSA) ha madan Mini Stadium Ladjaplem, Amlarem ha ka 24 tarik Risaw.
Ha ka jingïalehkai kaba nyngkong ka Hynriam SSC kala pynliem da 2-1 kol ïa ka Mawlong SSC. Ïa ki kol ka Hynriam SSC la thep da u Daphimon Pamksang (6) bad Manghairyum Pamksang (42), katba ka shikol ka Mawlong SSC la thep da u Deo Aveenous Pohksang (20).
Ha ka jingïalehkai kaba bud, ka Mukhim Bro SCSC kala pynrem ïa ka Evergreen Youth da 2-1 kol. Ïa ki kol ka Mukhim Bro SCSC la thep da u Almas Suting (18), Marbeh Mukhim (53), katba Evergreen Youth la thep da u Ahbor Tariang (45).
Ha kawei pat ka jingïalehkai ka Syndai Mission ka la pynliem ïa ka Amlatdoh USCS da 1-0 kol lyngba ka kol ba la thep da u Mardiki Pohbai.
