Hooid baroh ki kur ki shim jait na ka kmie ba pun ba kha, ym na u symbai ba ai na ka liang u Kpa. Ha ka jingshisha dei ban shim ïa ka jait ka kynja na u symbai ba ïoh na u kpa ki khun. Namar ki khun lada phin bishar bniah kim bit ïa ka kmie, ki bit nadong shadong ïa ka liang u kpa ba ai symbai. Kum ka nuksa, lada dei u symbai na u kpa China/Phareng/Negro ruh ki khun kin bit nadong shadong ïa u kpa ba ai symbai. Lada dei u kpa phareng ruh ki khun ki bit ïa ka longrynïeng jong u kpa phareng, watla ka kmie ka dei ka Khasi makna. Lada dei lei u kpa Negro ki khun kin bit ïa ka dur ka dar u kpa Negro, kim bit ïa ka kmie ba pun ba kha. Kane ka sakhi shai ba u symbai u long doh long snam pateng la pateng ha kane ka jaitbynriew ruh.Kumta lada phi thung ne bet ïa u symbai riewmadan un mih hi u riewhadem. Kumjuh lada phi thung ïa u symbai rynsun un mih hi u rynsun um lah ban mih da kumwei pat. Kumjuh ha ka longbriew manbriew ruh u symbai u sei ïa ujuh u symbai haba ngi thung ne bet ha ka khyndew. Phi thung piat un mih hi u piat, phi thung uno uno u symbai un mih hi ujuh kumba phi bat. Ka kynthei Khasi kaba ïoh tnga Nepali ki khun ki bit bad phong dur ïa u kpa Nepali, ym ïa ka kmie Khasi ba pun ba kha. Kane ka sakhi shai haba paw kito kiba ïoh kpa Nepali ki khun ki dei ban shim ïa ka jait ka kynja u kpa Nepali bad kiwei kiwei kumjuh. Namar u symbai u im bad u pynmih ïa ka pateng la pateng kano kano ka jaitbynriew, ym na ka kur ka jait kum, ba ïa bud ne pdiang mangi ki Khasi. Kane nga pynpaw ïa ka jingshisha kaba hiar pateng na u kpa ym na ka kmie.
C. B. Iawphniaw
