Ka St. Thomas Basilica ka dei ka ïing – mane kaba la tei ban pynsah jingshah pynïap noh u Thomas uba long uwei na ki Apostol ne u synran u Jisu, kumba ha ki snem 52 AD hadien u Khrist ula wan sha India ban ïalap ïa ka Gospel. Hynrei une u synran ula shah pynïap noh kumba ha u snem 72 AD hadien u Khrist. U la shah pynïap noh ha ki nongshun kiba ïaleh pyrshah ïa ka Gospel ka dei ha ka 3tarik u Naitung.ïa kane ka sngi la rakhe kum ka sngi ba kyrpang ki khristan ha India, ba la tip kum ka Indian Christian Day. U Thomas da kaba kohnguh ïa ka jingbthah u Jisu ban leit ïalap kylleng ka pyrthei, kumta ula wan ha India na duriaw Mediteranean, Red Sea bad Arabian sea. Ula wan ïuhkjat ha Kerela bad ula sdang ïalap ïa ka Gospel bad ula seng de ïa ka Balang Kerela. Ka Balang Khristan ba u Thomas ula seng ka long kaba nyngkong eh ha India la tip kum Thomas Christian. Hynrei ki nongshun ki la ioh pynïap ïa u Thomas katba u dang duwai, ki nongshun ki la thombor ïa u bad ula phet na katei ka jaka hynrei ki nongshun ki la ïoh pynïap ïa u ha uwei u lum rit bad la tip mynta kum u Thomas Mount ne u lum Thomas. Kane ka dei kawei na ki ïingmane ba la tei ha ki jaka tep ïa ki synran u Jisu. Kawei ka dei ka St. Peter ha Italy, kawei ka St. James ha Spain bad ka St. Thomas ha India.
C. B. Iawphniaw
