Ha Nongnah ki don ar tylli ki synrong maw kiba heh kiba don ïa ki khana kiba long ki ïing ne jaka sah jong ki briew ha ka por Nem sniew. U synrang Nemcha u don tang kumba san spah ngut na surok ban leit sha Ranikor ha ka jaka ba khot WAH KARU sharum ka shong Thangrai.
Ha une u synrang ki pynlong jaka thiah jaka dem jong ki briew ha ka por ba don ka pang khlam na ki Hat khap border bad ka Pakistan mynshuwa ka Bangladesh mynta. Ki pynlong jaka thiah jaka dem ha une u synrang namar kim lah ban shu wan direct hapoh shnong hapoh thaw namar kiba la leit ïew leit Hat ha khap border bad ka Pakistan ba don ka pang khlam ha ki nongiew ki hap sah da ki taiew eiei hapoh une u synrang ki sa lah ban wan phai hapoh ïing hapoh sem bad ki khun ki kti lada ym paw dak jingpang eiei ha ki. Une u synrang u long uba eh bha u ngiam da bun spah ngut kiba shong ba sah hapoh une u synrang maw ryng-kat ka shet ka tiew. U Synrang KYRHON pat une ruh u long u synrang uba heh u don phang shatei ka Lum jingtep ne ka Rai Mission ka jaka tep briew jong ka Balang Presbyterian Nongkdait pyrshah ka shong Thangrai. Ha une u synrang pat dei ba u shong u sah u thiah u dem uwei u riew tymmen briew uba kyrteng u KYRHON. U shong u sah ha une u synrang ba u peit bad u ap ïa ka kper kaba long ka jaka rep ha syndah jong une u synrang ba u rep shriew, sohkhia, Raisoh bad phan karo. U thiah u dem hapoh une u synrang maw um donkam ban shna ïing shna sem.
U synrang u long uba kylluid ban shong ban sah. Kumta ki sa khot ïa une u synrang haduh mynta da kane ka kyrteng jong une u tymmen briew ba shong ba sah hapoh une u synrong. Kane ka long jingïathuh khana pateng na ki riewtymmen.
C. B. Iawphniaw
