Ka Nongnah ha south West Khasi Hills ka long kawei na ki shnong kiba itynnad bha na ka jingoh shrong ohshrup ka Meimariang hapoh Ri Khasi. kane ym dei ba put turoi ïa ka namar ka thew beit tang ïa ka jinglong ha ka dur ka dar (Scenery) ba la saiñdur ka Meimariang. Ka dur jong ka ka long syriem kum ka kmie (Tableland). Hapoh shnong jaka ba shong briew ka long madan bad la jan baroh ki sawdong pud la ker da ki riat (Cliff) bad ki lhuh bah. Lait noh tang phang shathie la ker da u Lum ka Iawpaw. Ka Nongnah ka long shisha ka shong baitynnad lada ïa nujor bad kiwei ki shnong hapoh ka Bri Hynñiewtrep. Ka jingitynnad jong ka ym dei ba pynbha bad pynitynnad da u briew. Hynrei ka dei beit ka jingai kyrpang ba pynlong ka Meimariang ne kata ka Natural Beauty ym kaba pynbha bad pynitynnad u briew. Kito ki bym tip ïa ka Nongnah to kin peit ïa ki dur lyngba ki Video ba la ring dur da ki nongshondur.
Ka jingitynnad jong ki Lum ki wah, ki riat ki them bad ka jingdon ka Pung Sum shrieh ne ka Natural Swimming pool bad ki dieng ki siej ba jyrngam ba ker sawdong ïa ka, ka khring ïa ki nongwan jngoh kai (Tourist) na kylleng ban wan bam lyer pyngngad na Nongnah. Ka jingdon ki kshaid, ki krem ki kroh kum ka Krem Mawtynhiang ha u Lum Iawpaw ka nang khring shuh shuh ïa kiba bun ban wan jngoh ïa ka. Ka Nongnah ka long kum ka ‘Oasis’ napdeng kiba bun ki shnong kiba itynnad hapoh Ri Khasi ba ieit jongngi.
C. B. Iawphniaw
