Ka Koropshon ka long ka kam jakhlia ba sniew kiba ngi ki briew ngi leh bad ngi thok ngi shukor ha kiba bun ki bynta. Ym don kawei ruh ka ri kaba lait na ka koropshon. Ka Koropshon ka long ka kam bamsap bampong bad khwan myntoi ban ioh nong ïalade. Ki Sorkar bapher bapher ha kylleng ka pyrthei ki don beit kane ka Koropshon. Ki kompani bapher bapher bad ki kynhun Society bapher bapher kim lait na ka Koropshon.
Ki riew shimet ruh kim lait na ka Koropshon. Wat ki hima, ki kynhun niam ne balang ruh kim lait na ka Koropshon. Ym don ba lah ban lait na kane ka bih ha ngi ki briew. Ka Koropshon ka pynsniew dur ïa ka imlang ka sahlang ha kylleng ki ri ka pyrthei. Ban pynkhuid ne pynduh ïa ka Koropshon ka long kaba eh bad dang lah ban pynkhuid ïa kiba dih drok.
Ka Koropshon ka long kawei na ki kam kiba triem tam ha ngi ki briew.Ka Koropshon ka don naduh kiba rit haduh kiba heh bad ym don ba lait na ka Koropshon. Ka Koropshon ka long kum ka bih seinïong kaba ma tam. Ha man la ki kynhun ka don beit kane ka Koropshon.
Ka Koropshon ka long ka jingsniew kaba pynthoh bria ïa ka jinglong briew. Ka pynhiar dor ïa ka nam ba bha ka ri bad ka jaitbynriew. Kaba eh ïa uno uno ne kano kano ka kynhun ban pynduh ïa ka koropshon. Ka sorkar ne kino kino ki kynhun kim lah ban pynduh jait ï ka Koropshon. Dei tang manga ma phi ngi lah ban kiar na kane ka jingsniew, hynrei ym don ba lah ban pynduh ïa ka Koropshon.
C. B. Iawphniaw
