Ka jingitynnad jong ka Nongnah dei ba la ohshrong da ka Meimariang ïa ki lum ki wah, ki riat ki ram ba ker sawdong ïa ka. Nalor ka jingdon u Lum Iawpaw, ka Natural Swimming pool ne ka Phot sum shrieh, ka Krem Mawtynhiang, ka jingdon ka jingkieng jri (Ladder).
Ka jingmih bha u Pitcher plant ne u Tangniangriang bad ka jingdon ki kshaid ba noh rymphum na ki wahduid bad ka jinglong ha ka dur ka dar (Scenery) jong ka Nongnah kaba la ker la jan baroh sawdong da ki riat bah (Cliff) bad tang phang shathie la ker da u lum Iawpaw, ka la khring ïa ki nongwan jngohkai ïa ka jing-itynnad jong ka kum ka Natural beauty ba la pynwandur ka Meimariang.Ki kyrteng ki kshaid bad ki krem bad ka pung sum shrieh.
Ka Kshaid phot syntih (Nongbah / Nongnah.Kshaid phot sum shrieh (Nongnah /Nongktieh) Kshaid phot synrang (Nongnah, Nongkdait) Kshaid Kyrsuh Thad( Nongnah – Thangrai) Kshaid Ur – Khurai ha lynti ban leit sha Ranikor. Kshaid Thiu Iawpaw ha riat Iawpaw.
Nalor ka jingkieng Jri (Ladder) Thangrai. bad ka view point ha Domwahssmia ha Domsohkhai. Ka jingsyriem dur ïa ka miej na Table Plateau jong ka Nongnah ka long kham pher na kiwei kiwei ki shnong ha Ri Khasi.
C. B. Iawphniaw
