Une u Kshaid na ka wah phot shnong Thangrai kaba don phang sepngi ka shong Thangrai (Nongnah) u leit hap ban noh shapoh riat phot syndang. U long u kshaid uba jrong bad noh rymphum khamtam na ka por lyiur ba heh ka um. Une u kshaid u don la ka khana. Namar na thmier jong une u kshaid ka don ka liewlong pungum kaba ki shong ki sah bun bah ki Japieh. Ki Japieh ki long kiba bang eh ban bam. Ki nongshong shnong ka Thangrai ïa ki Japieh ki khot ki Tnad. Dei na kane kein ba ïa une u kshaid ki khot u kshaid Kyrsuh Thad. Bun ki briew kiba kwah leit kem bad beh Japieh ki leit wad hangne ha u kshaid ba don bun bah ki Japieh kiba shong ba sah ha ka liewlong ne pungum ba don ha shiteng riat, une u kshaid. Tangba ka long kaba ma bad mynsaw ban leit kem ïa ki Japieh na kane ka liew long jong une u kshaid namar ka long riat. Ka wah ka wan naduh ka shnong Domsohkhai ka tuid lyngba ka phot shnong Thangrai naduh kjat bad leit noh shapoh riat bah jong u ne u kshaid. Kane ka dei ka kyrteng jong une u kshaid ba ioh ha ka kyrteng Japieh ne ki Thad, ba shong ba sah na kane ka pungum ha thmier riat jong une u kshaid Kyrsuh Thad.
C. B. Iawphniaw
