Ka jingmut Sunday na ka jingshisha ka dei ka sngi jong ka sngi ne ka sngi jong u sngi. Ym dei ka sngi u Blei kumba ki la khot. Ka sngi U Blei ki khot ka Lord Day ne God day. Namar Sun ka thew ïa ka sngi ba ai jingshai ïa ngi ki briew bad Day ka dei ka sngi trei sngi ktah jongngi ki briew kum ka nuksa ka sngi saitjaiñ bad ka sngi Thohdieng. Tip mynshuwa na ka por u phareng u wan synshar ïa ka ri jongngi, kumno u pynkylla ïa ka Sunday sha ka sngi U Blei. Lehse dei tang u phareng hi uba tip kham bha ïa kane. Ha ka Bible ïa ka sngi Sunday ki ong ka sngi nyngkong jong ka taiew. Te na kaei ka daw ba ki pynkylla ïa ka sngi Sunday kum ka sngi u Blei. Ki tran-slate ym dei ne lah ban ong ne khot ïa ka sngi Sunday kum ka sngi pynlong jingïaseng ki balang Khristan. Namar dei ha kane ka sngi ba ki khristan man ka taïew ki pynlong jingïaseng, la rwai, duwai bad ïa kñia mass ha ki balang bad ïingmane ba ki don. Kane ka long ka jingsngewthuh jingnga ba ka Sunday kan dei mo ka sngi u Blei ka dei ka sngi jong u sngi (Sun) ne phi ong kam dei ruh sa wad ïa ka jingshisha khnang ba kan ym ïalam bakla ïa ngi baroh
C. B. Iawphniaw
