Ngi ki briew hangne ha sla pyrthei ngim don ka jingsuk katba ngi dang im. Dei tang ynda ngi la ïap ngi la ïoh ka jingsuk bneng. Namar haba la ïap ngim ïa kynduh shuh ïa ki jingpang jingshitom. Ngi la suk namar ha bneng la ong ym don shuh ka jingpang jingshitom bad ka jingïap ruh.
Ngi la im suk ha kata ka paradise kaba dap da ki soh ki pai ha ki per soh per syntiew kaba u Blei u la buh. Hynrei katba ngi dang im tang ka jynjar ka sohsat suda ngi ïa kynduh ha ka jingim jongngi ki briew. Namar kane ka pyrthei ka long tang ka jaka shong shipor hadien kata ngi hap ban ïehnoh ïa kane ka sla pyrthei kaba ngi ju im kmen im sngewbha shipor. Namar ym don uba im sah hangne ha pyrthei. Tang ha ka rta hapdeng ka 80 haduh shispah snem lada im slem ngi la leit noh na kane ka sla khyndew. Kane ka dei ka lynti jongngi ki briew hangne ha sla pyrthei. Bad ym don ba khraw ym don ba rit, ym don ba riewspah ym don ba duk baroh ngi hap ban ieh noh ïa kane ka pyrthei kaba dap da ki lum ki wah, ki jaka shit ki jaka khriat, ki lum bah bad ki duriaw bah. Ngi hap ban leit noh sha bneng ka bym don shuh ka jingkhriat ka jingshit bad ka pang ka shitom, namar ha uba la ïap te ym don shuh kein ki jingpang jingshitom, ka jingshit jingkhriat bad ka jingkhuslai baroh ngi la thiah suk hapoh ka dewmet shijunom.
C. B. Iawphniaw
