Kane ka long ka jingkylli ïangi ki briew baroh ba im bakhih batrei baktah ha kane ka sla pyrthei. Ngi ki briew ynda la ïap shano keiñ ngin leit. Ka jinghikai niam te ki ong ba ynda la ïap ngi ïa leit sha bneng sha ïing u Blei.
Hynrei kane ka jingngeit kam long kaba shisha namar ngi ïa tip ba ngi ki briew, ki baieit ba thoiñ, ki Meiieid, ki Paieid, ki Meirad ki Parad kiba la ïap ym dei ba ki la leit sha bneng. Kumno phi tip ba haba la ïap ngi ju leit buh noh ïa ka metïap jong ki ha u lum jingtep hapoh khyndew. Ha u lum jingtep ki shong ki sah baroh kiba la ïap bad ïehnoh ïa kane ka pyrthei. Bad ym don uwei ruh uba la ioh leit kiew sha bneng kumba hikai ka jingngeit niam. Namar ka ktien u Blei (Bible) ka ong.
Te ym don uba la leit kiew sha bneng hynrei tang uta uba la wan hiar na bneng (Ioannis 3 : 13). Kane ka shai kdar ba baroh kiba la ïap ki la leit shapoh ñiamra ne kata ka nurok ka ksew. Ym don kiba la ioh leit sha bneng kumba hikai ka rukom ngeit niam. Ka niam ka shukor ïangi tang na ka bynta ka jingmyntoi ïalade. Kiba la ïap ngi la leit tep ïa ki ha ki jaka bapher bapher ba ngi ki briew ngi la mang kyrpang ban tep ïa kiba la iap. C. B. Iawphniaw
