Kano kano ka jaitbynriew ruh ka dei ban ai ïa ka jait ka kur na ka kynja ha u kpa ba ai symbai. Namar ka snam ka hiar pateng na uba ai symbai ym na ka kmie kaba pun ba kha. U kpa u pynkha bad pynioh ïa ki khun kynthei – shynrang ban long ka pateng jong u kum uba ai symbai. Kane ka long ka tynrai ka hok longbriew manbriew hangne ha pyrthei. Ki jaitbynriew ha satlak ka pyrthei ki bud ïa kane ka rukom aijait shimjait na u kpa ai symbai, ym na ka kmie, kumba ïa bud ha ngi ki Khasi. Ka rukom shim jait kheiñ jait ha ngi ki Khasi – pnar ka long ba ïa ka doh ka snam la jong ngi kyntait ngi shim bad ngi pdiang ïa ka jong kiwei ban long jait jong ka kmie. Ki khun ki dei ka pateng jong u kpa ym jong ka kmie ba kha ba pun. Haba phai ha ki jaitbynriew kylleng ka pyrthei ki khun ki hiar pateng na u kpa pateng la pateng kim ai ka jait sha ka kmie, ki ai jait sha u kpa ba ai ïa u symbai. Hato kaba ai jait sha u kpa ka bakla ne kaba ai jait sha ka kmie ka bakla? Da puson bha ïa ka rukom ai jait ioh ka ïalam sha ka jingduh jait noh ha ka pateng kaba hadien habud. Nga sheptieng ba ngi ki Khasi ngin sah tang ha ka kyrteng ka jait Khasi, hynrei ka doh ka snam jong ki khun la bun ka snam na ki bym dei Khasi.
C. B. Iawphniaw
