Ka Nongnah ha South West Khasi Hills ka long ka shnong kaba long kum ka miej (Tableland). Ka Nongnah la ker la jan baroh sawdong da ki riat (Cliff) kiba kynjang. Lait noh tang phang shathie la ker da u lum ka Iawpaw. Ka Nongnah ka long ka shnong kaba la pynwandur itynnad da ka Meimariang kum kata ka Natural beauty.
Ka jingdon ka Krem Mawtynhiang ha u lum Iawpaw bad ka Pung sum shrieh ne kaba la tip kum ka Natural Swimming Pool ha shiteng riat ka la khring ïa ki nongjngoh kai (Tourist) ban wan jngoh ïa ka Nongnah. Nangta ka jingdon ki Kshaid ki krem ki kroh bad kiwei kiwei kum ka jingdon ka jingkiengjri (Ladder) bad ka jaka mih bun bha u Tiew Rakot ne u Tangniangriang (Pitcherplant) ha ki khlaw ka Nongnah.
Ka Nongnah ka pawnam ruh ha ka jingbang bad jingthiang u Sohniamtra hapoh ri Khasi – Jaiñtia.
Ka Nongnah ka long ka shnong kaba itynnad shisha ha ka jingoh shrong eh shrup ka Mei-ma-riang. Ka Nongnah bad ka jingdon de ki Kshaid kiba noh rymphum khamtam ha ka por slap na jrong riat sha ki jaka them bad ki lyhuh bah ka rud shnong. Ki Kshaid ki pyn-i-tynnad ïa ki sawdong sawkun jong ka shnong. U Kshaid Kyrsuh Thad, u Kshaid riat um sum, u Kshaid Thiep Thait, U Kshaid Urkkhurai, u Kshaid phot synrang, u Kshaid phot sum shrieh, u Kshaid Thlu Iaw – paw bad kiwei kiwei ki kshaid rit kiba pyn- i-tynnad shisha ïa ka shnong. Ka don da ka synrang maw ba khot ka synrang Nemcha kaba long ka jaka thiah jaka dem ha ka por ba don ka pang khlam. Ka don de ka Domwahsmia View Point kaba itynnad ha kliar ka shnong Domsohkhai.
Ka Nongnah ka long ka shong kaba la ker sawdong da ki riat bah suda (cliff) kaba pyn – i- tynnad ïa ka Scenery jong ki lum ki wah jong ka shnong. Ka Nongnah ka long ka Tableland village hapoh ka Jylla. Kham ñiar ban don ki shnong kum ka Nongnah ba ker baroh sawdong da ki riat bah bad hapoh shnong pat ka long madan.
C. B. Iawphniaw
