ïa ki khun kiba ioh na ujuh u kpa watla ïapher ka kmie ruh katkum ka blood relationship ki dei hi shipara trai. Hynrei ïa ki khun na kajuh ka kmie hynrei ki kpa ba ïapher kim dei shipara trai ki dei shipara ar kpa lai kpa. Kane ka dei ka jinghiar pateng na ujuh u symbai bad na ka doh ka snam u kpa ba ai symbai. Kynmaw kim dei shipara trai haba u kpa um dei ujuh. Kito kiba ïoh kpa na kiwei ki jaitbynriew kum u phareng, u khar Madras, u khar Nepali, bad u kpa Naga bad kiwei kiwei na kajuh ka kmie ki khun ki ïadei shipara ar kpa lai kpa ym dei shipara trai. Shipara trai ki dei beit tang ujuh u symbai u kpa ba ai symbai. Haba ioh symbai na ki kpa Negro, phareng, China bad kiwei kiwei kumno keiñ phin shim ïa kiba ki ïadei shipara trai. Bun ha ngi ki Khasi kiba ioh kpa ba ïapher ba dei na kajuh ka kmie ruh. Kane ka long ka jingiohi jong nga haba ïadei bad kane ka shongkha shongman ym tang ha ngi ki Khasi ha kiwei ki jaitbynriew ruh kumjuh.
C. B. Iawphniaw
