Ha ka jingngeit Khristan ki bud beit ia ka jinghikai ka niam bad ka Bible, Ba hynriew sngi ki dei ki sngi trei sngi ktah bad ha ka sngi kaba 7(hynñiew) ka dei ka sngi shong-sngi na ki kam baroh. Katba ha ngi ki Khasi ym dei phra sngi shi taïew bad ngim don ka sngi shongthait ne ka sngi sangeh trei. Baroh ki sngi ka taïew ngi lah ban trei jingtrei khnang ba ngin ioh ka bam. Ngi dei ban trei shitom naduh ban da mih syep ba ngin ioh ka bam. Ngi shong sngi ha kano kano ka por ba ngi sngewthait sngewjrem ka met.
Hynrei ngi dei ban trei ban ktah baroh shi taiew haba ngi khlain ngi shait. Ha ka jingshisha tang kiba trei kam sorkar (govt. Servant) kein ki shong sngi ha ka sngi kaba hynñiew hynrei kiba trei ba ktah, kiba rep ba riang kim donkam ki dei ban trei ban ktah baroh shi taïew. ïa u Blei lei baroh ki tip bad kynmaw man ka khyllipmat kum u nongthaw nongbuh bad nongpynlong ïa ngi ki briew bad ïa kieikiei baroh kiba don hangne ha sla pyrthei. Te haba ngi trei tang hynriew sngi bad shongthait ha ka sngi kaba hynñiew ngi ioh nong aiu, bad kumjuh kiba trei khlem shongthait baroh shi taiew ki ioh nong aiu, bad kumjuh kiba trei khlem shongthait baroh shi taiew ki ioh nong aiu ? Lada phi trei baroh shi taiew ruh ym don jingiapher bad kiba trei tang hynriew sngi bad shongthait noh ha ka sngi kaba hynñiew. Ne phi ong ka don jingïapher bad kito kiba trei tang 6 (hynriew) sngi bad kiba trei baroh shi sngi taïew. Baroh ki sngi ngi donkam ban trei ban ktah katba ngi dang im ei hangne ha ka pyrthei shong basa shipor. Namar ym don u briew uba im sah ha kane ka pyrthei. Baroh ngi hap ban ieh noh ïa kane ka pyrthei haba ngi la noh ka met bad la tymmen ha ka jingmut jingpyrkhat bad ha ka jinglong don ruh.
C. B. Iawphniaw
