Kumba ka la paw lyngba ka kot khubor ka Khasi Hills Autonomous District Council ka la pynkhreh ban leh register digital noh ïa ki dulir khyndew baroh kaba la tip kum ka digitization of land records and digitization of modern survey technologies.Kane ka jingleh ka long kaba dang thymmai shisha mynta ki paidbah ba bun balang ki sah ha ka umdum ym sngewthuh sngewthaw kumno yn leh namar ym pat don satia ka jingpynshai paidbah na ka liang ka bor District Council ne na kino kino ki Political Party la ka liang synshar ne liang pyshah.Kane ka rukom leh mynta ka long ban re-gister digitization na ka dulir khyndew baroh bad ban da leit Survey thik pa thik ïa ka jingheh ka khyndew baroh la ka dei ka khyndew ri kynti shimet(private land) ne ka khyndew raid ne ri bam lang(community land) kaba dei ka khyndew paidbah ba la ju pynïaid da ki Hima Syiem bad ki dorbar raid kumba ju leh naduh hyndai hynthai ha Ri Khasi naduh ka por ba synshar ki phareng bad synshar ka sorkar Assam haduh mynta ïa ki khyndew kur ki baheh bad barit ba la ju pynïaid da ki rangbah kur ne ki manager jong ka kur heh ba ki la thung da ka kur ban pynïaid, Khyndew kur ka dei hi ka khyndew paidbah jong ka kur (community land) jong ka kur ïa kine ki khyndew kur ruh la dei ban register digitization bad survey da ka District Countil. ïa ka register digitization of land records yn sa pynïasoh (align) bad ka center’s programme for modernization digitization of land records ban long salonsar ïa ka India baroh kawei. Ki paidbah kiba bun bad ki riew rangbah kiba bun kiba nga la ïa kynduh ka la sngewlyngngoh shibun bad sngew sheptieng ruh namar ym don ba wan ai jingpynshai na ka Party bapher bapher ba don ha Meghalaya ne na ka District Council.Ki sheptieng ioh ba kin sa ong ba dei ban bat khyndew tang katta uwei u briew bad kaba tam ban aiei noh sha kiba duk (land less)lane lah ban shah shim khajna kiba don khyndew shibun kane ka dei ka jingsngew sheptieng ki paidbah ka dei ka por ba biang eh ba ki bor sorkar ne ki political Party bapher bapher kin wan pynshai ïa u paidbah ban sngewthuh shai kumno yn leh paidbah don hapdeng jingbym sngewthuh.
Kwah jingpynshai ki paidbah ki kwah ïa ka jingpynshai paidbah lyngba ki kot khubor khasi khnang ba ki paidbah kin sngewthuh shai namar ka rukom bat khyndew ha Ri Kahsi ka ia pher naduh ki por mynbarim ka ïapher bak ly bak bat ki rukom bat khyndew ha Ri Dkhar namar ha Ri Khasi u paidbah u long trai ïa ka khyndew ka Supreme Court ruh ka tip ïa kane.
Dr. Boss L. Marthong, New Nongstoiñ
