Ka Salm 9 : 17, ka ong ki bymman kin leit sha dujok bad ki jaitbynriew kiba klet ïa u Blei bad kiba im ka bishni pihuiñ parabriew, kiba thok ba shukor bad kiba sakhi lamler kin leit sha dujok.
Kumjuh ki bym burom ïa la u kpa bad ïa la ka kmie kin leit sha dujok. Ki don de ki riew runar kiba pynïap briew kiba klim ïa ka tnga ki briew, kiba tuh bad shim ïa kano kano ka mar remdor jong kiwei kin leit sha dujok. Nangta kiba ïeng sakhi lamler jong kiwei kin leit sha dujok.
Nangta kiba ïeng sakhi lamler ïa u paramarjan bad kiba kren beiñ Blei kin leit sha dujok. Ka dujok ka dei ka pung ka ding kaba rhem ka bym ju lip ka mon sah shi rta. Ki briew kiba lute ne knieh ïa ka spah kiwei ruh kin leit sha dujok. U briew uba dap da u mynsiem bymkhuid u bym hun ïa ka jing-leh kiwei bad uba pynksan beit tang ïa lade un poi sha dujok.
Ki briew kiba ñiew beiñ ïa kiba duk bad kiba rangli ruh kin leit sha dujok. Ki briew kiba arsap bad kiba hangamei ruh kin leit sha dujok. Ki briew kiba im ka jingim awria kiba ïa kai kynthei, kiba khwan lalot kiba sngewkhraw bad kiba don ka jingmut sniew bad bymman kin leit sha dujok.
Ki briew kiba knieh ïa ki jaka puta kiwei kin leit sha dujok. Ki briew kiba bam duh ïa ki ïing ki riewkynthei bad kiba duwai jlan ruh kin shah pynrem bad kin poi sha dujok.
C. B. Iawphniaw
