Ka bneng ha ka jingiohi jong-nga ka dei ka jing-iap. Namar ka ktien u Blei ka ong ha bneng ym don shuh ka jing-iap, ka jingsngewsih, ka jingiam lymne ka jingpang. Namar dei tad ynda ngi la iap ka jingkhuslai ka jingsngewsih, ka jingiam bad ka jingpang kim don shuh ha kiba la iap. Hynrei katba ngi dang im ki jingkhuslai, ki jingsngewsih, ki jingpang ba bun jait ngi hap ban mad ha kane ka pyrthei. Hynrei kiba la iap te kine kiei kiei baroh ki la duh noh ha ngi ki briew. Te ïa kren ruh ba kiba iap ki la leit sha bneng ka ïing u briew. Ha bneng ki la suk la sain bad ym don shuh ka jynjar ka khuslai ha bneng. Te ka shong ka ïing shong u Blei ka don ka jingïadei bad ka jingiap jongngi ki briew. Namar kiba iap hi kim pang shuh kim khuslai shuh kim don shuh ka bishni ka pihuiñ para briew.
Dei tang ka jingiap kaba long kum ka bneng ka ïing shong jong u Blei. Namar ka jingiap, ka jingpang, ka jingkhuslai bad ki jingsngewsih ki la duh bad la dam noh ha kiba iap. Ha bneng ym don shuh ka jingïashong kurim bad ka jingpynshong kurim namar ki la long kum ki angel u Blei. Kumta dei tang kiba la iap ki la lait na kine ki jingkhuslai bad jingjynjar jong kane ka pyrthei. Ki la long thik kum kiba la leit sha bneng ha khet u Blei.
C. B. Iawphniaw
