U Jisu bad kiba haïing hasem jong u. Te u paidbah u la shong tawiar ïa u, bad ki la ong ha u ha khmih ka kmie jong me bad ki hynmen hynbaw jong me nabar ki ïa wad ïa me (Markos 3 : 32). Te ka la kha ïa u khun uba nyng-kong jong ka bad ka la sop ïa u da ki jainsop bad ka la pynthiah ïa u ha ka shyngoid, naba ym don jaka ïa ki ha ka ïing basa (Loukas 2 : 7). Te u Jisu hi haba ula sdang ban hikai ula long kumnba lai phew snam ka rta (Loukas 3 : 23). U Jisu uba na Nasareth uba la long u Nongïathuhlypa uba khraw bor ha ka jingleh bad ha ka ktien ha khmat u Blei bad u paidlang baroh (Loukas 24 : 19). Ha ka jingkhawai shongkurim ha Kana Galilaia. Ka kmie u Jisu ka la don hangta bad ka la khot ruh ïa u Jisu bad ia ki synran jong u de sha kata ka jingkhawai shongkurim (Ioannis 2 : 7). Namar don uwei u Blei bad uwei u ksiang ruh hapdeng u Blei bad ki briew, U KHRIST JISU UBA U HI RUH U BRIEW (I – Timothi 2 : 5). U samla uba riewspah u la ong ha u Jisu, ko Nonghikai babha kaei ngan leh ba ngan ioh ka jingim bymjukut. U Jisu u la ong, te ha u, Balei ba me khot ba bha ïanga. Ym don uba bha hynrei tang uwei uba u Blei (Markos 10 :18). U Jisu u khun ka Mari uba dei para bad u Jakob bad u Josis bad u Juda bad u Simon de, bad ki para kynthei jong u kim don hangne bad ngi (Markos 6 : 3). Ka Mari ka Kmie U Jisu lem bad ki para jong u de (Ki kam Apostol 1 : 14). Kine baroh la sot na ka ktien u Blei (Bible).
C. B. Iawphniaw
