New Delhi, Risaw:
U heh nongïalam jong ka AIMIM, u Asaduddin Owaisi, ha ka sngi Palei, u la ong ba kumba 4000 ngut ki nongleit ïaid riewblei na India ki la sahkut ha Makkah bad Madina hadien ba ki kompeni liengsuiñ ki la pynsangeh noh ïa ki liengsuiñ sha ki nongbah jong ka Saudi Arabia hapdeng ka jinglong jingman jong ka jingshngaiñ, ha kaba u la kyntu ïa ka sorkar pdeng ban pynsuk ïa ka jingwanphai jong ki.
U Owaisi u la ong ba ka Directorate General of Civil Aviation (DGCA) ka dei ban ailad ïa ki kompeni liengsuiñ ba kin buh ïa ki liengsuiñ kiba kham heh ban wanrah ïa ki nongleit ïaid riewblei sha ïing. Kawei pat ka lad, u la ong ba ka sorkar ka dei ban pynbeit ïa ki liengsuiñ ba kyrpang ban pynkynriah ïa ki. U la pan jingïarap na u Myntri ka External Affair u S Jaishankar bad kiwei pat ki Myntri ka sorkar pdeng.
Ki la don kumba 4,000 ngut ki nongleit ïaid riewblei na India ki sahkut ha Makkah & Madina. Ki la leit her lyngba ka liengsuiñ IndiGo6E AkasaAir airindia hynrei mynta ki sahkut hangtei namar ba kine ki Airlines ki la pynsangeh noh ïa ki liengsuiñ jong ki.
Ka DGCAIndia ka dei ban ai jingbit ïa ka jingpyntreikam da ki liengsuiñ thma kiba kham heh ba kine ki nongleit ïaid riewblei kiba sahkut kin lah ban leit phai biang sha India lada ym dei ban pynbeit ïa ki liengsuiñ ba la buh kyrpang ban wanrah biang ïa ki.
“Ki nongleit jingleit na India ki la shah iehnoh ha ki nongpynïaid jong ki nongleit jingleit jong ki. Kane ka donkam ïa ka jingïarap kyrkieh jong phi; ha kajuh ka por dei ban pynbiang ïa ka jingkyrshan kaba donkam sha ki nongleit jingleit kiba sahkut,” u la ong.
U la phah khubor ruh sha u Jaishankar, u Union Minority Affairs Minister Kiren Rijiju, Civil Aviation Minister Kinjarapu, u Ram Mohan Naidu, bad u Foreign Secretary Vikram Misri.
