Guwahati, Risaw:
Kawei ka khynnah kynthei kaba dang poh ka rta kumba la pynshisha la ong ba ka la shah rahbor na Goroimari ha South Kamrup, Assam, ka la shah pyllait im na Tamil Nadu, bad uwei u briew uba shah kynnoh ba u la rahbor ïa ka, u la shah kem, ong ki pulit.
Une uba shah kynnoh ïa uba la tip kyrteng kum u Abdul Mannan uba dei u nongshong shnong jong ka Chautara, la kynnoh ba u la rahbor ïa katei ka samla na ka shnong Mahimari kumba 15 sngi mynshwa hadien ba u la pynngop ïa ka da ka jingkular ban ïathoh kurim.
Hadien kane ka jingjia, ki bahaïing jong kane ka khynnah ki la ujor ejahar ha Goroimari Police Station, hadien kata ki pulit ki la pynlong ïa ka jingtohkit ban lap ïa ka jaka sah jong ka.
Hadien kata, ka kynhun pulit hapoh ka jingïalam jong u Assistant Sub-Inspector Pabitra Kalita, hapoh ka jingpeit jong u Supervision jong ka Goroimari Police Station, u Abdul Momin, ki la leit sha Tamil Nadu kum shi bynta ban thwet ïa ki.
Ka kynhun ka la thwet bad pyllait im ïa kane ka samla na Hosur distrik bad kem ïa u Mannan ha kaba ïadei bad katei ka kam. Ki jingtohkit katkum ka aiñ kiba kham bniah ki dang ïaid shakhmat, la ïathuh ki pulit.
