Amlarem, Naiwieng 09
Ka Amlarem, Mupyut Dongwah bad Sohkha Shnong Everlasting-A ki la khur jingjop ha ka 2nd bad 1st Division Football League ba la pynïaid da ka Amlarem Sub-Divisional Sports Association (ASSA) ha ka lah sngi U Blei ha Mini Stadium Ladjaplem, Amlarem.
Ha ka jingïakhun jong ka 2nd Division, ka Amlarem ka la pynjem khnap ïa ka Umpohliew SCS Amtra da 6-0 kol. U Bantei Pyrtuh (11 & 58( bad u Ehmiki Tariang (16 & 27) ki la thep mar ar kol, katba ïa kiwei pat la thep da u Firstborn Rynjah (1) bad u Swin Pohleng (27)
Haba phai sha ka 1st Division, ka Mupyut Dongwah ka la jop da 3-0 kol ïa ka Lumkyntur United. Ïa kine la thep da u Nieibiang Pde ha ka minit kaba 44, kumjuh u Louies Phawa (52) bad u Pynbitmiki Ryngkhlem (69).
Ha ka jingïalehkai kaba bud, ka Sohkha Shnong Everlasting-A ka la pynliem da 4-1 kol ïa ka Ryntih Clud Amsohrhong. U Mahrhendiam L. Giri u la thep ar kol ha ka minit kaba 3 & 40, kumjuh u Andy Tariang (25) bad u Rishanlang M. Umlong (38). Katba ka Ryntih Clud Amsohrhong ka la thep shi kol da u Markiduh Langshiang (9).
