Shillong, Naiwieng 09
Ka Hynñiewtrep National Youth Front (HNYF) Kenïong Unit ha ryngkat ka HNYF South West Khasi Hills District ha ka 7 tarik mynta u bnai ka la pynkut noh ïa ka lympung ïalehkai phutbol kaba ar sngi ba la tip kum ka 1st Invitation Football Tournament 2026 ha ka shnong Kenïong, South West Khasi Hills District.
Ha katei ka sngi la pynlong ïa ka jingïalehkai phainal hapdeng ka Shipara bad ka Thiepdiengngan, ha kaba ka Shipara ka la rah ïa ka nam lahduh hadien ba ka la jop da 2-0 kol.
Ka seng ha katei ka sngi hapoh ka jingïalam u Bah Shainingstar Wanñiang kum u President, ka la ïoh ruh ban noh synñiang da ki nep syaid ne blanket ïa ki briew kiba don jingduna ha ki dkhot met.
