Jowai, Naiwieng 09
U Bashan Pale ula khyrwit da ka hat-trick bad ban pynlong ïa ka Mookyndur SC ba kan pynliem da 7-0 kol ïa ka Ïalong SC ha ka lympung ïalehkai Super Division Football League ba la pynlong da ka Thadlaskeiñ Sports Association (TSA) ha ka lah sngi U Blei ha Multi Sports Complex, Wahïajer.
U Bashan Pale u la khur ïa katei ka hat-trick hadien ba u la ïoh ban thep saw kol ha ka minit kaba 17, 20, 75 & 78. Kumjuh u Teibok Lyngdoh (39 & 67) u la thep ar kol bad kawei pat da u Dangait Pale (90+2).
Ha ka sngi Ba-ar yn sdang jingïalehkai quarter final jong ka kyrdan 1st Division hapdeng ka Tyrshang SC bad ka Namdong-B.
